د روغتیایي توکیو د تړلید یوه فابریکه په پروان ولایت کې پرانیستل شوه
پنجشنبه۱۹ جمادی الاول ۱۴۴۶ / ۱ لینډی ۱۴۰۳
د ا.ا.ا.د صنعت او سوداګرۍ وزارت سرپرست محترم الحاج نوړرالدین عزیزي له خوا د روان ۱۴۰۳ لمریز کال د لیندۍ(قوس) میاشتې په لومړۍ نېټه د پروان ولایت د تتمدرې په صنعتي پارکونو کې د پروان ولایت د والي او نورو چارواکو په حضور کې د روغتیایي توکیو د تولید یوه فابریکه پرانیستل شوه.
د صنعت او سوداګرۍ وزارت سرپرست محترم الحاج نورالدین عزیزي په بېلابېلو برخو کې له پانګونې څخه هرکلی وکړ او د پانګوالو د هڅو قدرداني یې وکړه.
د صنعت او سوداګرۍ وزارت سرپرست همدارنګه له صنعت کارانو او پانګوالو نه د افغانستان د اسلامي امارت پر ملاتړ په ټېنګارسره وویل :د صنعت کارانو او پانګوالو ته د امارت د مسوولینو له خوا ښه فرصت، آسانتیاوې او امنیت برابر شوی دی.
همدارنګه د پروان والي محترم مفتی محمد ادریس انوري د صنعت او سوداګرۍ وزارت له فعالیتونو څخه په مننې سره دا فعالیتونه د افغانستان د اقتصاد د پرمختګ او غوړیدنې په لار کې ګټور وګڼل او له یاد وزارت سره یې د همکاریو پر دوام ټینګار وکړ.
د یادونې وړ ده چې د "ویلنس فارما" په نوم د روغتیایي توکیو د تولید فابریکي د درې میلیون ډالرو په ارزښت په پروان ولایت کې پانګونه کړې چې تر ۳۰۰ زیاتو هېواد والو ته به د کار زمینه برابره کړي.
