په بلخ ولایت کې د صادراتو واحد مرکز پرانیستل شو
شنبه 21 جمادی الاول 1446 / 3 لینډی 1403
د صنعت او سوداګرۍ وزارت سرپرست محترم الحاج نورالدین عزیزي او ورسره مل پلاوي بلخ ولایت ته د خپل سفر په ترڅ کې نن شنبه د ۱۴۰۳ لمریز کال د لیندۍ( قوس) په درېمه نېټه، په دغه ښار کې د صادراتو واحد مرکز پرانیست.
دا مرکز چې د مزارشریف په ښار کې د بلخ د سوداګرۍ او پانګونې خونې په مقر کې پرانیستل شو، په پرانیست غونډه کې یې د بلخ ولایت د والي مرستیال، د یاد ولایت د سوداګرۍ او پانګونې خونې مرستیال او د یاد ولایت نورو چارواکيو ګډون درلود.
د صادراتو واحد مرکز د هیواد د صادراتو د اسنادو د طی مراحل لپاره یو ځای دی چې په مزارشریف ښار کې ددې په پرانیسنې سره د هېواد صادرونکو ته لا زیاتې آسانتیاوې برابریږي.
