د صنعت اوسوداګرۍ وزارت د رهبري هیئت ناسته
![د صنعت اوسوداګرۍ وزارت د رهبري هیئت ناسته](/sites/default/files/2021-07/brgzary_jlshy_hyyt_rhbry_wzart_snt_w_tjart_w_mrfy_ryys_ttbyq_thdat_sazman_tjart_jhany.jpg)
شنبه: دچنګاښ ۱۲مه ۱۴۰۰
د صنعت او سوداګرۍ وزارت د رهبري پلاوي غونډه د صنعت او سوداګرۍ ښاغلي وزیر نثار احمد غوریاني په ریاست د عبدالمجید زابلي د غونډو په تالار کې جوړه شوې وه .
په دې ناسته کې ، سلطان احمد سروري د صنعت او سوداګرۍ وزارت د وړاندیز او دجمهوری ریاست د عالي مقام د تصویب پراساس د نړیوال سوداګریز سازمان د ژمنو د پلی کولوریاست د رییس په توګه معرفي شو.
په دې ناسته کې د سوداګرۍ ډیپلوماسۍ رامینځته کولو او دوام لرونکي تمرکز (د 32 هیوادونو سره 82 تړونونه )، د موافقتنامې ریاست طرزالعمل کې تعدیل، دسوداګریزو اتشو دهمغږۍ ریاست طرزالعمل ، په شپږ زونونو کې د سوداګریزو نښو راجع کولو کار پیل کولو ، د صنعتي پارکونو په سروي او معلوماتو ته د لاسرسي پروسې د طرزالعمل په اړه بحث ترسره او د رهبرۍ پلاوي لخوا تصویب شو.
د صنعت او سوداګرۍ وزیرښاغلي نثار احمد غوریانې وویل،د صنعت او سوداګرۍ وزارت د کارمندانو، رئیسانو او رهبرۍ د نه ستړې کیدونکې هڅو او کوښښونو پر اساس دا وزارت د حکومت ، خصوصي او بهرنیو نهادونو تر منځ ښه نوم خپل کړي او د دې پایښت زموږ د ټولو ګډ مسئولیت دی.