د صنعت او سوداګرۍ وزارت سرپرست د ایران له فرهنگی اتشه سره وکتل
دوشنبه ۱۵ رمضان المبارک ۱۴۴۵ / ۶ وری ۱۴۰۳
د افغانستان د اسلامي امارت د صنعت او سوداګرۍ وزارت سرپرست الحاج نورالدین عزیزي په کابل کې میشت د ایران اسلامي جمهوریت فرهنګي اتشه محترم ډاکټر سید روح الله حسیني سره وکتل.
په دې کتنه کې دواړو لورو د فرهنګي اړیکو، د لاسي صنايعو د پراختيا، د دواړو هېوادونو د پوهنتونونو د علمي لیدنو، د استادانو د تجربو د شريکولو، افغان محصلينو ته د ايران له خوا د تحصيلي بورسونو او د نندارتونونو د جوړولو په باب خبرې وکړې.
د غونډې پای کښې د ایران د اسلامی جمهوریت تجارتی، کلتوری او لرغونو ځایونو ته د لنډ مهاله سفرونو په اړه موافقه وشوه.
