د صنعت او سوداګرۍ وزارت له خوا دسوداګرۍ دپراختیا د پنځه کلنې طرحې معرفي کول

پنجشنبه دسلواغې 30 مه 1399

د صنعت او سوداګرۍ وزیرښاغلي نثار احمد غوریاني دصنعت او سوداګرۍ وزارت دسوداګرۍ د پراختیا پنځه کلنه طرحه ددغه وزارت مشاورینو او درهبرۍ پلاوي ته د عبد المجید خان زابلي د کنفرانسونو په تالار کې معرفي کړه۔

ښاغلی غوریانې زیاته کړه چې دغه پروګرام په ژنیو کې د افغانستان د حکومت دژمنو په اساس جوړ شوې او د افغانستان له سولې نه روسته د ملي پراختيا لپاره بل پروګرام هم د جوړیدو په حال کې دی ښاغلي غوریانې زیاته کړه چې دغه پنځه کلن پروګرام د صنعت او سوداګرۍ وزارت د رییسانو او سلا کارانو سره په مشوره او همغږۍ برابرشوی .په دغه پنځه کلنه طرحه کې په پنځواساسي برخو تمرکز شوی۔

دمدیریت بدلون ، سوداګري،ترانزيټ،دصادراتو پراختیا،د صنایعو پراختیا او د بهرنی او کورنۍ پانګونې دجلب موضوعات پکې رانغاړي

دصنعت او سوداګرۍ وزارت له سولې وروسته د افغانستان د پراختیا ترڅنګ نورو نړیوالو پروګرامونو تعهداتو ته ژمن دی او داصلاحاتو د پراختیا په برخه کې په نړيوالو کنفرانسونو کې د نړیوالو دپام راګرځولو لامل شوي۔