د صنعت او سوداګرۍ وزارت معین د کابل د سوداګرو او کسب ګرو اتحادیې له غړیو سره و کتل

چهارشنبه ۱۳ ربیع الثانی ۱۴۴۶ / ۲۵ میزان ۱۴۰۳

د افغانستان د اسلامي امارت د سنعت او سوداګرۍ وزارت معین محترم مولوي احمدالله زاهد، د کابل د سوداګرو او کسب ګرو اتحادیې له غړیو سره وکتل.

پدې لیدنه کې د کابل د سوداګرو او کسب ګرو اتحادیې غړیو خپل فعالیتونه او لاس ته راوړنې د صنعت او سوداګرۍ وزارت له معین سره شریکې کړل او د یاد وزارت په داخل کې یې په کېدونکو اقتصادي ناستو کې د ګډون په موخه د لازیاتې همکارۍ غوښتونکي شول.

همدا رنګه هغوی د هغه ستونزو د حل غوښتنه هم وکړه چې تر اوسه یې هم له ګاونډي هېواد پاکستان سره د سوداګرۍ په برخه کې لري.

د وزارت معین محترم مولوي احمدالله زاهد، د هغوی د خبرو تر اوریدو وروسته وویل چې د صنعت او سوداګرۍ وزارت دروازې د خصوصي سکتور د غړیو پر مخ تل پرانیستې دي او مونږ تل همکارۍ ته تیار یو.