د هرات ولایت د کورنیوتولیداتو په نندارتون کې د شاوخوا ۳ میلیونو افغانیوپه ارزښت د توکو پلور
چهارشنبه: د چنګاښ۱۶مه ۱۴۰۰
د نندارتون په درې ورځینې بهیر کې، د هرات ولایت لس زره اوسیدونکو، د روغتیايي مقرراتو په پام کې نیولو سره د هرات ولایت د کورنیو صنایعو او تولیداتو د نندارتون څخه لیدنه وکړه او د نندارتون د ترسره کیدلو څخه يې تود هرکلی وکړ.
د هرات ولایت د صنایعو او کورنیو تولیداتو نندارتون د صنعت او سوداګرۍ وزارت لخوا د هرات ولایت د صنایعو او کانونو د اطاقونو په همکارۍ د سل ورځې سل زیري پروګرام په چوکاټ او د صنعت اونۍ د لمانځلو په موخه ترسره شو .
په دې نندارتون کې دهرات ولایت صنعتکارانو او متشبثو میرمنو په ۲۱۰ غورفو کې د کوچنیو،منځنیواو لویو صنایعو په سکتورونو کې خپل تولیدات د لسو ورځو لپاره نندارې ته وړاندې کړل .
چې دنندارتون د تیرودریو ورځو په بهیر کې تولید کونکو د درې میلیونه افغانیو په ارزښت خپل محصولات وپلورل، د هرات د صنعت او سوداګرۍ د ریاست په وینا ، د نندارتون ګڼ لیدونکې او دتوکو پیردونکې میرمنې وي.
د صنعت او سوداګرۍ وزارت په پام کې لري ترڅو د کورنیو تولیداتو د ملاتړ او بازار موندنې په موخه روان کال کې کوردننه او بهر یو شمیر نندارتونونه ترسره کړی.
