د هلمند ولایت د بست او دو راهي صنعتي پارکونو کې ځمکې ویش ته چمتودي
یک شنبه ۳۰ رجب المرجب ۱۴۴۵/ ۲۲ سلواغه ۱۴۰۲
هلمند ولایت ته د دغه وزارت د صنعتي پارکونو او صنایعو چارو عمومي رئیس ښاغلي قاري عبدالمجید قیام د سفر په ترڅ کې د دغه ولایت له صنعتکارانو سره په لیدنه کې په ډاکه ګړه، چې د بست او دوراهې د صنعتي پارکونو ځمکې د هلمند ولایت صنعتکارانو ته د وېش لپاره اماده دې.
دغه غونډه د هلمند د مرستيال والي ښاغلي مولوي محمد نبي حماس، د صنعتي پارکونو او صنعتي چارو عمومي رئيس ښاغلي قاري عبدالمجيد قيام، د صنعتي پارکونو د مراقبت او د ځمکو د ويش رئيس ښاغلي انجنير عبدالخالق خسرو، د هلمند ولایت د صنایعو او کانونو د خونې رئیس ښاغلي رحمت الله او د دغه ولایت دصنعتکارانو په ګډون جوړه شوې وه .
په صنعتي پارکونو کې د ځمکې د وېش بهیر د ځانګړې کړنلارې له مخې تشریح شو او د دغه ولایت له صنعتکارانو وغوښتل شول چې د دغو دوو صنعتي پارکونو د ځمکې د ترلاسه کولو په موخه خپل غوښتنلیکونه له وزارت سره شریک کړي.
په پای کې د هلمند ولایت د صنعتکارانو په ګډون یوه کمېټه جوړه شوه، چې د یادو صنعتې پارکونو د زیربناوو د جوړولو په اړه لازمې پرېکړې ترسره او کار جریان تعقیب کړي.
