د هیواد په صنعتي پارکونو کې ۵۱ شرکتونو ته د ځمکې ویش
شنبه:د چنګاښ۵مه ۱۴۰۰
د افغانستان د اسلامي جمهوری دولت د صنعت او سوداګرۍ وزارت ،د ولسمشرۍ د دفتر د پانګونې داسانتیاواحد، د ښار جوړونې او ځمکو، کرنې، مالدارۍ او اوبو لګونې وزارتونو،د افغانستان د صنایعو او کانونو خونې سره په همغږۍ ۵۱ شرکتونو ته چې د دې وزارت اړونده صنعتي پارکونو کي یې دځمکې غوښتنه کړی د پانګونې دجذب په موخه ځمکه ویشي.
د هیواد په صنعتي پارکونو کې ۵۱ شرکتونو ته د ځمکې دویش دبیاکتنې کمیټې دریمه ناسته چې د ولسمشرۍ د چارو د اداري دپانګوونې د اسانتیا واحد په ریاست کې جوړه شوي وه، په دې ناسته کې د ځمکې د ویش معیارونو او په صنعتي پارکونو کې ۵۱ شرکتونو ته د ځمکې ویش د څرنګوالي په اړه بحث وشو.
په صنعتي پارکونو کې د دې ۵۱ شرکتونو د ځمکې غوښتنې سندونه د صنعتي پارکونو عمومي ریاست کې، ښار جوړولو او ځمکې وزارت ، اقتصاد وزارت ، مالیې وزارت او افغانستان بریښنا شرکت او سکتوري خونو د استازو په ګډون په څو غونډو کې څیړل شوي دی.
اوس شرکتونو ته د ځمکې دویش د څیړنې کمیتي په دریمه ناسته کې د ځمکې ویش چاري پای ته نږدي شوي دي او په نږدي راتلونکې کې به اړونده شرکتونو ته دځمکې ویش پیل شي.
د صنعت او سوداګرۍ وزارت د هیواد په ۸ ولایاتو کې صنعت کارانو او پانګوالو ته ځمکي د ویش لپاره چمتو کړي،چې ځمکو ته اړ شرکتونه کولای شي سکتوری خونو او دې وزارت ته د غوښتنلیک په وړاندې کولو سره په صنعتي پارکونو کې ځمکه ترلاسه کړی.
