د ودرول شویو سړو خونو د فعالولو کمیټې غونډه جوړه شوه
پنجشنبه ۱ رجب المرجب ۱۴۴۶ / ۱۳ مرغومی ۱۴۰۳
د ودرول شویو سړو خونو د بیا فعالولو کمیټې غونډه د صنعت او سوداګرۍ وزارت د سرپرست محترم الحاج نورالدین عزیزي تر ریاست لاندې د کانونو او پټرولیم وزارت، کرهنې،مالدارۍ او اوبو لګولو وزارت د معینانو،د چارو د ادارې لوی ریاست اړوند د پانګونې د آسانتیا ریاست او د امارتي شرکتونو د استازو په ګډون جوړه شوه.
پدې ناسته کې د نیم کاره پاتې شویو سړو خونو په تېره بیا د هغه ۱۴ سړو خونو په اړه چې د هېواد په ۱۲ ولایتونو کې یې کارونه درول شوي دي، بحث او خبرې اترې وشوې.
همدارنګه پدې ناسته کې د شته سرچینو او ظرفیتونو او د دې سړو خونو د فعالولو لپاره د غوره لارو په تړاو بحث وشو او د یادو سړو خونو د تخنیکي او حقوقي کارونو د دوام لپاره تخنیکي ټیم ته دنده وسپارل شوه.
