د پروان ولایت سوداګرو د صنعت او سوداګرۍ وزارت له مرستیال سره ولیدل
دو شنبه مورخ 29 ربیع الثانی 1445 / 22 لړم ۱۴۰۲
د پروان ولایت یو شمېر سوداګرو او صنعتکارانو د صنعت او سوداګرۍ وزارت له مرستیال ښاغلي مولوي قدرت الله جمال سره د نوموړي په کاري دفتر کې وکتل.
صنعتکارانو چې د پروان ولایت د سوداګرۍ رئیس ښاغلي قاري راز محمد یاسر یې هم ملتیا کوله د خبرو په ترڅ کې خپلې ستونزې او وړاندیزونه د وزارت مشرتابه ته وړاندې کړل.
هغه وویل د نویو فابریکو لپاره صنعت کاران د ځمکو په برخه کې له ستونزو سره مخ دي چې د وزارت له مشرتابه يې د حل هیله لري.
دوی همدا رنګه فابریکو لپاره د برېښنا کمښت د یوې بلې مهمې ستونزې په ډول یاده کړه.
د یاد وزارت مرستیال ښاغلي جمال د خپلو خبرو په ترڅ کې د یادو ستونزواړوند وویل چې د صنعت او سوداګرۍ وزارت د ستونزو درک او حل ته ژمن دی.
نوموړي زیاته کړه چې صنعتکارانو ته د ځمکو د وېش موضوع د وزارت په لومړیتوبونو کې ده او هڅه دا ده چې ژر حل شي.
