د کندهار ولایت د صنعت او سوداګرۍ ریاست له مسؤلینو سره د وزارت د رهبرۍ غونډه
سه شنبه مورخ ۱۴ جمادل الاول ۱۴۴۵ / ۷ لیندی ۱۴۰۲
د صنعت او سوداګرۍ وزارت سرپرست ښاغلي نورالدین عزیزي او د دې وزارت مرستیال ښاغلي مولوي قدرت الله جمال د کندهار ولایت د صنعت او سوداګرۍ ریاست له مسؤلینو او کارکوونکو سره وکتل.
د صنعت او سوداګرۍ وزارت رهبري پلاوي د کندهار ولايت د صنعت او سوداګرۍ رياست د مسؤلينو او کارکوونکو د فعالیتونو ، ستونزو او ننګونو له اورېدلو وروسته په دغه ولايت کې دکاري شرایطو د ښه والي، د مراجعینو سره د اسلامي قوانینو او د اسلامی امارت د پالیسیو سره سم د ښه او نیک چلند کولو په هکله لازمې لارښوونې و کړې.
