د کندوز ولایت د وړو د تولید او د وریځو د پروسس له فابریکو څخه لیدنه وشوه
سه شنبې د غبرګولي میاشتې ۳۱ نیټه ۱۴۰۱ کال
د صنعت او سوداګرۍ وزارت معین محترم مولوي قدرتالله جمال له ورسره پلاوی کندوز ولایت ته د خپل سفر په ترڅ کې د وړو د تولید او د وریځو د پروسس له فابریکو څخه لیدنه وکړه.
د صنعت او سوداګرۍ وزارت معین د هغوی د هڅونې ترڅنګ په دې برخه کې د لا ډیرو فعالیتونو غوښتونکی شو او وویل چې صنعت کاران د هیواد د رغونې په برخه کې د افغانستان د خلکو با اعتماده همکاران دي.
د یادونې وړ ده چې د وړو د تولید فابریکه ۳ کاله وړاندې خپل فعالیت پېل کړی او په ۲۴ ساعتونو کې ۳۰۰ ټنه تولید لري او اوس مهال ۵۰ تنو لپاره پکښې د کارکولو زمینه برابره شوې ده او همدارنګه د وریځو د پروسس په فابریکه کې چې تر یو میلیون ډالرو پورې پانګونه شوې ده افغاني متخصصین پکښې کار کوي او د ورځې ۵۶ ټنه وریځې په نړیوالو معیارونو سره پروسس کوي.
