سپین بولدک ولسوالۍ ته د صنعت او سوداګرۍ وزارت مرستیال سفر

 سه شنبه:د وری ٢مه ۱۴۰۱

دصنعت اوسوداګرۍ وزارت مرستیال مولوي قدرت الله جمال پرون دوشنبه د وری په لمړۍ نیټه د کندهار ولایت سپین بولدک ولسوالۍ ته سفر وکړ،له سوداګرو او د یادې ولسوالۍ د سوداګرۍ او پانګونې خونې له مدیره پلاوي سره په کتنه کې يې  د خصوصي سکتور د ستونزو د هواري، د خصوصي سکټور پر وړاندې د شته ننګونو او صادراتو ته د اسانتیاوو برابرولو په برخه کې د ا.ا  له ژمنتیا څخه یادونه وکړه.

په دې کتنه کې د کندهار ولایت د سپین بولدک ولسوالۍ سوداګرو او پانګوالو د خصوصي سکتور د ستونزو د هواري په برخه کې د صنعت او سوداګرۍ وزارت د رهبرۍ له هڅو څخه د مننې ترڅنګ؛ د خپلو سوداګریزو ستونزو په اړه خبرې وکړې.

د صنعت او سوداګرۍ وزارت مرستیال ستونزې نوټ او ژمنه یې وکړه، چې شته ستونزو او ننګونو ته به حل لاري وپلټل شی.