په افغانستان کې د پانګونې لپاره  د ایراني پانګوالو او ایران کې د مېشتو افغانانو لېوالتیا

یکشنبه ۱۴ شعبان المعظم ۱۴۴۵/ ۶ کب ۱۴۰۲

 د صنعت  او سوداګرۍ وزارت سرپرست الحاج نورالدین عزیزي له هغو ایراني او افغان پانګوالو سره چې د موټرو روغنیاتو په برخه کې پانګونه کوي، وکتل.

په دې کتنه کې د فومن شیمي شرکت رئیس محترم حمید قاسم نژاد او ورسره ایراني او افغاني پلاوې چې په ایران کې د موټرو روغنیات تولیدوي په هرات ولایت کې په یاده برخه کې  پانګونې ته لېوالتیا څرګنده کړه د صنعت او سوداګرۍ وزارت لخوا په دې برخه کې د همکارۍ غوښتونکې شو. 

 ورپسې  د صنعت او سوداګرۍ وزارت سرپرست  د یاد هئیت له لورې د پانګونې څخه خوښې څرګنده کړه، هغوی ته يې ډاډ ورکړ چې خوشبختانه په افغانستان کې د پانګونې لپاره زمینه برابره شوې او موږ د کورنیو او بهرنیو سوداګرو پانګونې ته لیواله یو.

په پای کې ښاغلي عزیزی زیاته کړه  د افغانستان د  صنعتي کیدلو طرحه پای ته رسیدلو په درشل کې ده چې په پلی کیدلو سره به يې د برانډ امنیت خوندي شي.