په افغانستان کې د پانګونې لپاره د مالیزیا لیوالیتا

دوشنبه: د کب ۲۳مه ۱۴۰۰     

د صنعت او سوداګرۍ وزارت سرپرست ښاغلي نورالدین عزیزي د مالیزیا هیواد د اقتصاد وزیر ښاغلي مصطفی بن محمد  او یو شمیر نورو مسئولینو سره په انلاین ډول خبرې وکړې.

په دې لیدنه کې دواړو لورو  داقتصادي او سوداګریزو،چاروترڅنګ په افغانستان کې د پانګونې پر فرصتونو خبرې وکړې.

ښاغلی عزيزي ماليزيا يو دوست هېواد وباله او ويې ويل، ماليزيا له تېرو څلوېښتو کلونو راهيسې له افغانستان سره سوله ييز او ښې اړیکې لري کوم چې زموږ خلک به يې هیڅکله هېر نه کړي.

هغه زیاته کړه، لازمه ده چې موږ د افغانستان د پرمختګ او سوکالۍ په برخه کې د ورور هېواد له لېوالتیا څخه هم مننه وکړو.

د صنعت اوسوداګرۍ وزیر په افغانستان کې د پانګونې د فرصتونو او د دواړو هېوادونو ترمنځ د همکاریو په برخه کې د خبرو پر مهال وویل، مالیزیا د کانونو، زیربناوو په ځانګړي ډول د لویو لارو، ریل پټلۍ، برېښنا او د تېلو د تولید په برخو کې ښې تجربې لري. له همدې امله موږ کولای شو په دې برخو کې له هغوې سره اغېزمنې همکارۍ ولرو.

د مالیزیا چارواکو د افغانستان د صنعت او سوداګرۍ  وزارت موخه لوړه او غوره هدف وباله او  د بانکدارۍ په برخه کې له افغانستان سره د همکارۍ یادونه وکړه ویې ویل چې مالیزیا په  لوژستیکي برخه  لکه وارداتو او صادراتو کې  د بریالیو تجروبو په درلودول  سره چمتو دې چې  له افغانستان سره همکاري وکړي.

په دې کتنه کې دواړو لورو په کابل او کوالالمپور کې د سوداګریزو مرکزونو د جوړولو په اړه هم خبرې وکړې

. ښاغلي عزيزي څرګنده کړه چې کابل په سيمه کې د ماليزيا د عصري محصولاتو د وېش مرکز او کوالالمپور په  ختيځه اسيا کې  د افغاني توکو د وېش په مرکز بلل کیدلای شی.

په پای کې  په افغانستان کې د پانګونې د تخنیکې مسایلو په هکله د خبرو لپاره د دواړو لورو لخوا په کابل او کوالالمپور کې د تخصصي ټیمونو پرجوړولو موافقه وکړه

ښاغلي مصطفی بن محمد وویل چې د مالیزیا تخنیکې ټیم مشري به پخپله کوي او په راتلونکو غونډو کې به خپل کاري راپور شریک کړی.