په بلخ ولایت کې دغوښینو چرګانو دتولید ډیروالی

سه شنبه : دسلواغې ۱۴ مه ۱۳۹۹

په بلخ ولایت کې دچرګانو دتولید فابریکو په دې وروستیو کې خپل تولیدات ډیر کړي دي او او په هره میاشت کې ۵۰۰ زره غوښین چرګان تولیدوي

په بلخ ولایت کې دغوښینو چرګانو ۵ فابریکې فعالیت کوي، چې ډېری دغه فابریکې له ۸ کلونو راپدیخوا په بیلبیل شمیرو پانګونې سره په دغه ولایت کې فعالیت کوي.

په بلخ ولایت کې یادې فابریکې دچرګوړو دتولید په موخه، له ایران، پاکستان او ازبکستان هېوادونو څخه هګۍ را وردوي.

دغه فابریکې په یوه ورځ کې ۴۰ ټنه دچرګانو غوښې دبلخ ولایت او ورڅیرمه بازارونو ته دخرڅلاو په موخه استوي، دیوې شمېرنې له مخې، افغانستان دچرګانو دغوښو او هګیو له اړخه پر ځان بسیاینې ته نږدې شوی دی او په دې وروستیو کې هېواد ته دچرګانو دغوښې او هګیو واردات تر ډیره راکم شوي دي.