په ترکیه کې مېشت افغان سوداګر وطن ته د راتلو لپاره وهڅول شول

جمعه 27 جمادی الاول 1446 / 9 لینډی 1403

د ا.ا.ا.د صنعت او سوداګرۍوزارت سرپرست محترم الحاج نورالدین عزیزي ترکیې ته د خپل سفر په دوام پداسې حال کې چې په ترکیه کې دافغانستان جنرال کنسول هم حضور درلود، په هغه هېواد کې له مېشتو یوشمېر افغان سوداګرو سره وکتل.

پدې کتنه کې محترم الحاج عزیزي په افغانستان کې د پانګونې د فرصتونو په تړاو معلومات ورکړل او دلته یې د سرتاسري امنیت څخه په ډاډ ورکړولو سره له هغوی وغوښتل ترڅو خپل هېواد ته راستانه شي او,دلته پانګونه وکړي.

په ترکیه کې ځینو افغان سوداګرو وویل چې خپلې پانګې یې افغانستان ته لېږدولې دي او ځینو نورویې هموویل چې خپل هېواد ته د ستنیدو پروګرام لري.

د کتنې په پای کې دافغانستان داسلامي امارت دصنعت او سوداګرۍ وزارت سرپرسست دغه افغان سوداګرو ته وویل چې ستونزې او ننګونې دې په ترکیه کې د افغانستان اسلامي امارت د جنرال کنسولګرۍ له لارې، له دوی سره شریکې کړي.