په راتلونکي کال کې به دهېواد دغالیو صادرات ډیرشي
سه شنبه دمرغومې ۳۰مه ۱۳۹۹
دصنعت او سوداګرۍ وزارت رهبري وایي چې په راتلونکي کال کې به دنویو برناموپه پلي کولو سره دهېواد دغالیو صادرات ډیر شي.
دصنعت او سوداګرۍ وزارت وزیر ښاغلي نثار احمد غوریاني دغالیو دتولید او صادرونکو له پلاوي سره په لیدنه کې ټینګار وکړ چې دنویو برنامو په پلي کولو سره به دغالیو صادرات ډیرکړي او دتیرو کلونو په پرتله به راتلونکی کال دغالیو صادرات ډیر کړي.
دښاغلي غوریاني په وینا، دصنعت او سوداګرۍ په وړاندیز او دجمهوري ریاست دعالي مقام په منظورۍ په راتلونکي کال کې ۶٪ سب سایډي دغالیو دصادراتو لپاره په پام کې نیول شوې چې دغالیو په صادراتو به مثبت اغیز ولري.
دصنعت او سوداګرۍ وزارت دغالیو صادراتو ته په اشارې سره وویل چې دغالیو ستر نړیوال بازار په آلمان هېواد کې دی او یاد وزارت جمهوري ریاست ته ددغه هېواد لپاره دسوداګریزې اتشې وړاندیز استولی دی، چې دابه هم دغالیو په صادراتو مثبت اغیز ولري.
دصنعت او سوداګرۍ وزیر وویل چې دغالیو داستوګنې او صنعتي ښارګوټو دپروژې برخلیک هم دښارجوړونې له وزارت سره روښانه شوی او دیادې پروژې چارې به ډیر ژر پیل شي.
بلخوا دغالیو داستوګنې او صنعتي ښارګوټو دپروژې ریس علي صابري وویل چې دصنعت او سوداګرۍ و ښار جوړونې وزارتونو هڅو ته په پام سره به دغالیو داستوګنې او صنعتي ښارګوټو دپروژې چارې پیل کړي.
دیادولو وړ ده چې د غالۍ اوبدونکو او صادرونکو اتحادیې غړو ټینګار وکړ چې دغالیو په صادراتو کې ۶٪ سب سایډي اودغالیو داستوګنې او صنعتي ښارګوټو دپروژې عملي کېدل به دهېواد دغالیودصادراتو په پراختیا کې لویه ونډه ولري.
