په کابل کې د قزاقستان له سفیر سره د ا.ا.ا. د سوداګرۍ وزارت د سرپرست لیدنه
دوشنبه ۱۱ شعبان العظم ۱۴۴۶ / ۲۲ سلواغه ۱۴۰۳
د ا.ا.ا. د صنعت او سوداګرۍ وزارت سرپرست محترم الحاج نورالدین عزیزي، نن دوشنبه د سلواغې (دلوې) په ۲۲ مه نېټه، مازدیګر مهال په کابل کې د قزاقستان جمهوریت له سفیر ښاغلي "گزیز اکباسوف" سره وکتل.
پدې کتنه کې دواړو لوریو په الماتا ښار کې د افغان سوداګرو لپاره د یوه سوداګریز مرکز د جوړښت، د دواړو هېوادو د سوداګرو تر مینځ د قراردادونو په تړاو د ترسره شویو ژمنو د عملي کېدو،په افغانستان کې د قزاقي سوداګرو د پانګونې او په کابل کې د قزاقستان د سفارت له خوا افغان سوداګرو ته د ویزو د صادرولو په تړاو د آسانتیا رامینځ ته کېدو په اړه بحث او د نظرونو تبادله وشوه.
همدارنګه پدې کتنه کې د سوداګرو د ستونزو او شخړو د حل لارو په تړاو هم خبرې وشوې او د نظرونو سره تبادله شول.
