د نړیوال سوداګریزسازمان دالحاقاتو څانګې له مشر سره د صنعت او سوداګرۍ وزارت دمرستیال لیدنه
دوشنبه : دزمري ۱۱مه ۱۴۰۰
د صنعت او سوداګرۍ وزارت د صنعت او سوداګرۍ مرستیال محمد سلیمان بن شاه چې د سوداګرۍ په نړیوال سازمان کې د افغانستان د غړیتوب د پنځمې کلیزې په لمانځغونډه کې د ګډون په موخه د سویس هېواد جنیوا ښارته تللی وو، د سوداګرۍ دنړیوال سازمان دالحاقاتوڅانګې له مشر سره وکتل.
دیادونې وړ ده چې په دغه سفرکې په سوداګرۍ نړیوال سازمان کې د افغانستان اسلامي جمهوریت دایمي استازی سید رامین زیوري او د صنعت او سوداګرۍ وزارت دنړیوال سوداګرۍ سازمان دژمنو د تطبیق څانګې سرپرست سلطان احمد سروري د صنعت او سوداګرۍ مرستیال محمد سلیمان بن شاه ملتیا کوي.
په دغه لیدنه کې ، د سولې لپاره د نړیوالې سوداګرۍ د برنامې په پیل کې د افغانستان مثبت رول ، د سوداګرۍ نړیوال سازمان فعالیتونو کې د افغانستان د پام وړ ګډون او په یاد سازمان کې د افغانستان د فرصتونو او ننګونو په اړه بحث وشو.
ښاغلي بن شاه د افغانستان له ګاونډیو سره د الحاق پروسې په اهمیت او ګړندیتوب ټینګار وکړ او سازمان ته یې د زیان منونکو او جنګ ځپلو هیوادونو د الحاق لپاره د هیوادپر ژمنتیا او ملاتړ ټینګار وکړ.
د صنعت او سوداګرۍ مرستیال وزیر محمد سلیمان بن شاه او په نړیوال سوداګریز سازمان کې د افغانستان دایمي استازی او سفیر سیدرا مین زیوري د سوداګرۍ د نړیوال مشورتي مرکز (ACWL) له مرستیال او کارپوهانو سره هم وکتل.
ښاغلي بن شاه د نړیوال سوداګریز قانون په اړه افغانستان ته د قانوني مشورې په ورکولو کې د ACWL له دوامداره ملاتړ څخه مننه وکړه او په نړیوال سوداګریز سازمان کې د یادې ادارې او د افغانستان د دایمي سفارت ترمنځ پر دوامداره همکارۍ ټینګار وکړ.
همدارنګه د ACWL مرستیال له افغانستان سره ددغې ادارې د دوامداره ملاتړ ، په ځانګړي توګه د ظرفیت لوړونې او مشورې په اړه د دوامدارۍ همکارۍ ژمنه وکړه.
