د درملو او روغتیایي محصولاتو داتحادیې له غړو سره لیدنه
چهارشنبه: د غبرګولي ۴مه ۱۴۰۱
د صنعت او سوداګرۍ وزارت مرستیال ښاغلي مولوی قدرت الله جمال د افغانستان د درملو او روغتیايي محصولاتو په برخه کې د متشبثینو د اتحادیې له غړو سره وکتل.
په دې کتنه کې د افغانستان د درمل جوړولو او روغتيايي محصولاتو د اتحاديې رييس صنعت او سوداګرۍ وزارت د سوداګرو او خصوصي سکتور د کور په توګه وباله او د ويزو د ترلاسه کولو په برخه کې د دغې اتحاديې د غړو ستونزې شریکې کړې.
د صنعت او سوداګرۍ وزارت مرستیال له خصوصي سکتور څخه پر ملاتړ او همکارۍ ټینګار وکړ او زیاته يې کړه ، موږ په پوره غور سره ستاسو ستونزو ته پاملرنه لرو او هڅه کوو چې د پاسپورټ او نورو خدمتونو په برخه کې د وزارت په چوکاټ کې ترواحد چترلاندې لا ډېرې اسانتیاوې خصوصي سکتور لپاره رامنځته کړو.
ښاغلي مولوي قدرت الله جمال د دغه وزارت د چارو د بهیر په اړه معلومات ورکړل او ویې ویل چې موږ باور لرو؛ سوداګر او صنعت کاران قدرمند خلک دي او موږ د دوی د کار ستاینه کوو.
