صنعت او سوداګرۍ سرپرست وزیر د هرات ولایت د سوداګرۍ خونې له استازو سره وکتل
چهارشنبه: دجوزا/غبرګول ۱۸مه ۱۴۰۱
د صنعت او سوداګرۍ وزارت سرپرست وزیر الحاج نورالدین عزیزي هرات ته د خپل سفر په ترڅ کې د یاد ولایت د سوداګرۍ خونې له مسؤلینو سره ناسته ترسره کړه. په دې ناسته کې د خصوصي سکتور اړوند موضوعاتو باندې خبرې اترې وشوې.
ګډونوالو د سوداګريزو فعالیتونو په وړاندې د پرتو ټرانسپورټي ننګونو او د پانګونې په ستونزو په اړه مفصلې خبرې وکړې.
د صنعت او سوداګرۍ سرپرست وزیر الحاج عزیزي په خپلو خبرو کې څرګنده کړه چې اسلامي امارت په ټوله کې او دخیلې ادارې په ځانګړي ډول د سوداګرۍ پراختیا ته ژمن دي.
په پای کې په دې هوکړه وشوه چې شته ستونزې به په لیکلي ډول وزارت سره شریکې شي تر څو يې د حل لپاره چټک او اغېزمن ګامونه واخیستل شي.
