د صنعت او سوداګرۍ وزارت سرپرست د ازبکستان د بهرنیو چارو له وزیر سره وکتل
پنجشنه مورخ ۴ رمضان المبارک ۱۴۴۵ / ۲۴ کب ۱۴۰۲
د افغانستان د اسلامي امارت د صنعت او سوداګرۍ وزارت سرپرست الحاج نورالدین عزیزي د ازبکستان د بهرنیو چارو له وزیر محترم بختیار سعیدوف سره وکتل.
په دې کتنه کې دواړو لورو د سوداګرۍ، ترانزیټ او پانګونې د پراختیا، د دواړو هېوادونو ترمنځ د سوداګریزو ستونزو د حل، د افغانستان د ترانزیتي توکو لپاره د لا زیاتو اسانتیاوو په رامځته کولو او د ازبکستان له خاورې څخه د افغان سوداګریزو توکو د ټرانزیټي تعرفو د کمولو په اړه خبرې وکړې.
په پای کې پریکړه وشوه چې په نږدې راتلونکي کې به د اړوندو ادارو مسوولين په مزارشريف ښار کې د دواړو هېوادونو ترمنځ د سوداګرۍ او ترانزيت د پراختيا پر وړاندې د پرتو خنډونو د لرې کولو په موخه جلا غونډه وکړي.
