په ګردیز کې د افغان تولید نندارتون پرانیستل شو
سه شنبه ۲۳ صفرالمظفر ۱۴۴۶ / ۶ وږی ۱۴۰۳
د پکتیا ولایت په مرکز ګردیز ښار کې پرون سه شنبه د وږي په ۶مه، د افغان تولید نندارتون، د صنعت او وداګرۍ وزارت د استازو، د پکتیا د والي مرستیال، امنیه قوماندان، د هغه ولایت د اقتصاد رییس، د کانونو او صنایعو خونې رییس، د امر بالمعروف رییس او د افغانستان اسلامي امارت د نورو اړونده مسوولینو او د خصوصي سکتور د لستازو په حضور کې، د پپکتیا په پوهنتون کې پرانیستل شو.
پدې نندارتون کې په بېلابېلو سکتورونو کې د هېواد محصولات او تولیدات په پنځوسو غرفو کې د درې ورځو په موخه، نندارې ته وړاندې شوي دي.
په هغه محفل کې چې له همدې امله په ګردیز ښار کې جوړ شوی و، د صنعت او سوداګرۍ وزارت اړوند د نندارتونو نو د جوړولو رییس محترم مولوي قابل محمد عابد د یاد وزارت په استازیتوب خبرې وکړې او ددې ډول نندارتونو جوړیدل یې هېواد والو ته د خپلو تولیداتو او محصولاتو د ور پېژندنې لپاره اړینې وګڼلې.
نوموړي زیاته کړه چې افغاني تولیداتو اوس په نړۍ کې خپل ځای پیدا کړی او د نړۍسترو سترو هېوادونو ته صادرېږي. ښاغلي عابد له ټولو سوداګرو او پانګوالو وغوښتل تر څو د هېواد په داخل کې پانګونه وکړي.
