جوزجان کې صنعتکارانو ته صنعتي ماشینونه توزیع شول
![جوزجان کې صنعتکارانو ته صنعتي ماشینونه توزیع شول](/sites/default/files/2023-11/021961d1-1ae2-4095-8b3d-d69251426aaf1.jpg)
چهار شنبه مورخ 16 ربیع الثانی 1445 / 10 لړم 1402
د کورنیو تولیداتو د پرمختګ او ملاتړ لپاره جوزجان ولایت کې ۱۹ کارخونو ته بېلابېل صنعتي سامان آلات او ماشینونه توزیع شول.
د جوزجان ولایت د صنعت او سوداګرۍ رئیس مولوي نیاز محمد تواب په وینا په دې موخه پخوا سروې ترسره شوې وه او مناسبه وبلل شوه چې یو شمېر د اړتیا وړ وسایل د یادو ۱۹ کارخونو په واک کې ورکړل شي. د زرو څخه تر څلور زره ډالرو په ارزښت صنعتي وسایل ۳ عدده زرنج، ۶۰ بوشکې تېل او د مېرمنو د خیاطي او لاسي صنایعو لپاره د وسایلو تر څنګ خام مواد هم ووېشل شول.
په دې مهال د جوزجان د یو شمېر فابریکو مسؤلینو د صنعتي وسایلو وېش د کورنیو تولیداتو د ملاتړ لپاره اغېزمن ګام وباله او له ا.ا او نړیوالو مؤسساتو څخه یې وغوښتل تر څو په دې موخه له سوداګرو سره خپلو همکاریو ته دوام ورکړي. یاده مرسته د مهاجرت د نړیوال سازمان په همکارۍ ترسره شوه.
د یادونې وړ ده په جوزجان ولایت کې ۲۰۰ کارخونې او تولیدي شرکتونه شتون لري.