د افغانستان د ځمکني ترانسپورت همغږۍ شورا سره لیدنه
چهارشنبه:دزمري۱۳مه ۱۴۰۰
د افغانستان اسلامي جمهوری دولت د صنعت او سوداګرۍ وزیر ښاغلي نثار احمد غوریاني د افغانستان د ځمکني ترانسپورت همغږي شورا له مشرتابه سره د شهید سید مصطفی کاظمي د غونډو په تالار کې وکتل او د ترانسپورتي ستونزو د حل په موخه یې د ترانسپورتي خونې د رامنځته کیدلو په هکله خبرې وکړې.
د افغانستان د ځمکني ترانسپورت د همغږۍ شورا رییس طالع محمد اتمانزی د یاد سکتور پروړاندي پرتې ستونزې د صنعت او سوداګرۍ وزارت مشرتابه سره شریکې او د حل غوښتنه یې وکړه .
ښاغلي اتمانزي د صنعت او سوداګرۍ وزارت په رهبرۍ غږ وکړ چې د افغان ټرانسپورټ د اطاق په جوړولو کې له دوي سره همکاري وکړي.
د صنعت او سوداګرۍ وزیر ښاغلي نثار احمد غوریاني وویل چې دا وزارت د خپل ټول ځواک سره هڅه کوي ترڅو د یاد سکتور ستونزې حل کړي.
ښاغلي غورياني زیاته کړه چې د ټرانسپورټ سکتور د ستونزو حل کول د اقتصادي، سوداګریز وضعیت ښه کولو او د افغانانو د ژوند معیار لوړولو معنی لري.
د صنعت او سوداګرۍ وزیر د دې وزارت د خونو او سکتور ونو دفدراسیون حقوقي او مشورتي څانګې ته هم لارښوونه وکړه چې د هیواد ټرانسپورټ خونې د رامینځته کولو لپاره اړین قانوني او تخنیکي مواد برابر کړی.
