په افغانستان کې پانګونې ته د ایران د خصوصي سکتور لیوالتیا

anwar_admin
یکشنبه ۱۴۰۳/۱۱/۷ - ۱۵:۴۲
په افغانستان کې پانګونې ته د ایران د خصوصي سکتور لیوالتیا

یکشنبه ۲۵ رجب المرجب ۱۴۴۶ / ۷ دلو ۱۴۰۳

د افغانستان د اسلامي امارت د صنعت او سوداګرۍ وزارت سرپرست محترم الحاج نورالدین عزیزي نن غرمه د ایران د اسلامي جمهوریت د خصوصي سکتور له هغه پلاوي سره وکتل چې سهار د دغه هېواد د بهرنیو چارو له وزیر محترم سید عباس عراقچي سره کابل ته راغلی دی.

پدې کتنه کې د ایران د خصوصي سکتور استازو د افغانستان د کانونو، کرهنې او صنعت په سکتورنو کې له پانګونې سره خپله لیوالتیا وښوده او د کانونو، کرهنې او ځینو تولیداتو د معیاري کولو په برخه کې یې د افغانانو روزنې ته تیاري وښوده او همدارنګه له افغانستان سره یې په تخنیکي، خدماتي، مهندسۍ برخو کې همکارۍ او د ځینو معدني او کرهنیزو موادو د واردولو لپاره چمتوالی وښود.

همدارنګه پدې کتنه کې د دواړو هېوادو تر مینځ د سوداګرۍ د کچې د زیاتوالي، له چاه بهار بندر څخه د لازیاتې ګټې اخیستنې، افغانستان ته د بې کیفیته توکو د صادراتو د مخنیوي، سرحدي بازارګوټو او د هغوی د ستونزو، ایران ته د افغان لورې د صادراتو د زیاتوالي، د هغه موادو د لیست د وړاندې کولو چې ایران ورته اړتیا لري، د ترانسپورټي او ترانزیتي لګښتونو د را کمولو او په افغانستان کې د ایران د اسلامي جمهوریت د پانګونې په اړه خبرې وشوې.

محترم الحاج عزیزي په بېلابېلو برخو کې او په تېره بیا د چاه بهار بندر په تړاو پر ګډو همکاریو پر ټینګار سره وویل چې د پروګرام مطابق مو د راکړې ورکړې د زیاتوالي په لور ګام واخیست او اوس دادی د دواړو هېوادو تر مینځ سوداګرۍ زیاتوالی موندلی او ټاکل شوې موخې ته د رسیدو لپاره باید خنډونه لیري شي.

د ا.ا.ا. د صنعت او سوداګرۍ وزارت سرپرست د دوی له پروګرامونو څخه د هر اړخیز ملاتړ په څرګندولو سره زیاته کړه چې مونږ د افغانستان د خصوصي سکتور د لا زیات فعالولو په اړه کار کوو او د ایران اسلامي جمهوریت له خصوصي سکتور سره به د نژدې همکارۍ پر لارو غور کوو.

تازه خبرونه

دوشنبه ۱۴۰۳/۱۱/۱۵ - ۹:۹
Background image

د ازبکستان له راغلي پلاوي سره د افغانستان اسلامي امارت د صنعت او سوداګرۍ وزارت د سرپرست لیدنه

د افغانستان د اسلامي امارت د صنعت او سوداګرۍ وزارت سرپرست محترم الحاج نورالدین عزیزي، د یکشنبې په مازدیګر د ۱۴۰۳ لمریز کال د سلواغې په ۱۴مه، د ازبکستان هېواد

دوشنبه ۱۴۰۳/۱۱/۱۵ - ۹:۵
Background image

د ازبکستان هیواد څخه راغلي هیئت سره د صنعت او سوداګرۍ وزارت د معین لیدنه

نن یکشنبه د ۱۴۴۶ ه ق کال د شعبان د میاشتي ۳ نېټه چې د ۱۴۰۳ه ش کال د سلواغي میاشتي له ۱۴ نیټې سره سمون خوري د صنعت او سوداګرۍ وزارت معین ښاغلي مولوي

شنبه ۱۴۰۳/۱۱/۱۳ - ۱۶:۷
Background image

د جلغوزې د تولید، پروسس او صادراتو سکتور لپاره یوه واحده اتحادیه جوړیږي

د ا.ا.ا. د صنعت او سوداګرۍ وزارت سرپرست محترم الحاج نورالدین عزیزي په هېواد کې د جلغوزې د تولید او صادراتو سکتور له غړیو څخه د ملاتړ، د دې سکتور

BACK TO NEWS