د ترکیې جمهوریت له تاریخي او مډرنې مطبعې څخه لیدنه

anwar_admin
شنبه ۱۴۰۳/۹/۱۰ - ۱۵:۵۶
د ترکیې جمهوریت له تاریخي او مډرنې مطبعې څخه لیدنه

شنبه ۲۸ جمادی الاول ۱۴۴۶ / ۱۰ لینډی ۱۴۰۳

د افغانستان د اسلامي امارت د صنعت او سوداګرۍ سرپرست وزیر محترم الحاج نورالدین عزیزی له مل پلاوي سره په ترکیه کې د خپلو لیدنو او کتنو په دوام د دغه هېواد له تر ټولو پخوانۍ او تاریخي مطبعې څخه د هغې تاریخي ارزښت په خاطر لیدنه وکړه.

دغه تاریخي چاپخونه چې په ترکیه کې د "کورلار" یا "درب‌خانه" په نامه مشهوره ده، ۵۵۷ کاله تاریخي سابقه لري او د نړۍ له ۵۰ مشهورو چاپ خونو څخه یوه ده چې د نړۍ ډیر هېوادونه خپلې سکې دلته ضرب وهي او همدارنګه هېوادونه خپل پاسپورټونه او د تابعیت اسناد دلته چاپوي.

دغه مطبعه اوس په عصري او مډرنو وسایلو او ماشین آلاتو مجهزه ده چې د ترکیې هېواد ټول مهم دولتي اسناد چاپوي او د دغه هېواد د مشهورو تاریخي ورځو په مناسبت سکې ضرب وهي او آن د عثمانیانو د سلطنت پر وخت کې هم د ترکیې مهرونه او نشانونه او د طلا سکې دلته ضرب وهل کېدل.

د یادونې وړ ده چې له یادې مطبعې څخه د افغانستان د اسلامي امارت د صنعت او سوداګرۍ د سرپرست وزیر محترم الحاج نورالدین عزیزي او ورسره مل پلاوي د لیدنې په پای کې، نوموړي او په ترکیه کې د ا.ا.ا جنرال قونصل ته د مولانا جلال الدین محمد بلخي په نامه سکه چې په یاده مطبعه کې ضرب وهل شوې ده، اهدا شوه.

تازه خبرونه

پنجشنبه ۱۴۰۴/۱/۷ - ۹:۳۳
Background image

د 1.5 میلیون ډالرو په ارزښت له 12 موسسو سره د همکارۍ هوکړه لیکونه لاسلیک شول

د افغانستان د اسلامي امارت د صنعت او سوداګرۍ وزارت سرپرست محترم الحاج نورالدین عزیزي نن چهارشنبه د ۱۴۰۴لمریز کال د وري په ۶ مه نېټه په هېواد کې

چهارشنبه ۱۴۰۴/۱/۶ - ۹:۵۲
Background image

د کابل ولایت د تره خیلو حرارتي برېښنا د تولید د ظرفیت لوړولو په موخه له صنعت کارانو سره د همغږۍ او نظرغوښتنې ناسته ترسره شوه

پدې ناسته کې د صنعت او سوداګرۍ وزارت سرپرست محترم الحاج نورالدین عزیزي، د ریاست الوزرا د اقتصادي معاونیت او د افغانستان برېښنا شرکت استازيو

چهارشنبه ۱۴۰۴/۱/۶ - ۹:۴۶
Background image

چین ته د افغاني صادراتو د زیاتوالي په اړه بحث او د نظرونو تبادله

کابل- د افغانستان اسلامي امارت د صنعت او سوداګرۍ وزارت سرپرست په افغانستان کې د چین د خلکو جمهوریت له سفیر ښاغلي "ژاو شینگ" سره وکتل او په اړونده مسایلو

BACK TO NEWS