د شانګهای د همکاریو سازمان د صنعت وزیرانو لومړنۍ آنلاین ناسته

reza_admin
یکشنبه ۱۴۰۰/۴/۲۷ - ۸:۱۶
د شانګهای د همکاریو سازمان د صنعت وزیرانو لومړنۍ آنلاین ناسته

شنبه: دچنګاښ ۲۶مه 1400  

د شانګهای د همکاریو سازمان د صنعت وزیرانو لومړۍ آنلاین ناسته د صنعت او سوداګرۍ  وزیرښاغلي  نثار احمد غوریاني ، د تاجکستان جمهوريت د صنایعو وزیر شیرعلي خان کبیر، د روسیې فدراتیف، هند ، قزاقستان ، چین ، قرغزستان ، پاکستان او ازبیکستان جمهوریتونودصنعت وزیرانو غونډه جوړه شوه.

دغه  ناسته د شانګهای سازمان دهمکاریو غړو هیوادونو ترمنځ په بیلابیلو سکتورونو کې د صنعت او پانګوونې په پراختیا کې پرګډې همکارۍ بحثونه تر سره کړل.

د صنعت او سوداګرۍ  وزیر نثار احمد غوریاني په دې ناسته کې وویل چې په افغانستان کې په بیلابیلو سکتورونو په ځانګړي ډول په صنعتي برخه کې د پانګونې ښه فرصتونه شته او د شانګهای د غړو هیوادونو له پانګوالو څخه وغوښتل چې په افغانستان کې دې سکتورونو کې پانګونه وکړي.

ښاغلي غوریاني همدارنګه زیاته کړه چې د افغانستان د اسلامي جمهوریت د صنعت او سوداګرۍ  وزارت د صنعتي - پانګوونې جواز ترلاسه کولو په برخو کې بهرنیو پانګوالو لپاره ځانګړې اسانتیاوې رامینځته کړې.

دیادونې وړ ده چې په سیمه کې د هیواد جغرافیایي ، اقتصادي او ترانزیټي موقعیت ته په اشارې سره ، د صنعت او سوداګرۍ وزیر وویل چې افغانستان سویلي آسیا ته د مرکزي آسیا او اروپا هیوادونو دتړاو نقطه ده او د هیواد په بیلابیلو سکتورونو کې پانګوال  له  ترانزیټي زیربنا ووڅخه  د اقتصادي پراختیا لپاره ګټه پورته کو.

بلخوا بیا په دې ناسته کې د تاجکستان جمهوريت د صنعت او نوې ټکنالوژۍ وزير شيرعلي خان کبير هم وويل چې د اقتصادي همکارۍ د کچې زياتوالی ، په ځانګړي ډول  د سازمان د غړو هيوادونو تر منځ په بيلابيلو برخو کې ګډ کار ، په سیمه کې د اقتصاد او سوداګرۍ په ګټه دی.

بین الدولتي  سازمان دی چې د څو اړخیز امنیت ، اقتصادي او کلتوري همکاریو په موخه رامینځته شوی ، چې له هغې څخه افغانستان ناظر غړی هېواد دی.

تازه خبرونه

چهارشنبه ۱۴۰۰/۵/۶ - ۸:۳۶
Background image

د ننګرهار ، لوگر او پکتیا ولایتونوله بازارونو څخه د احتکار اوګران پلورونکو پرضد کمیسیون ليدنه

د صنعت او سوداګرۍ وزارت د احتکار اوګران پلورونکود مخنیوي کمیسیون د بازار وضعیت څیړلو او څارنې دمخنيوي لپاره په ننګرهار، لوگر  او پکتیا ولایتونو کې د خوراکي توکو بازارونو څخه لیدنه وکړه.. . .

یکشنبه ۱۴۰۰/۵/۳ - ۸:۵۵
Background image

په خوست ولایت کې د چرګانود دانې د تولید شرکت دفعاليت پيل

په خوست ولایت کې د چرګانو د دانې تولیدي شرکت د دولتي چارواکو او خصوصي سکتور داستازوپه حضور کې د 166 ملیونه افغانیو په پانګونې سره پرانستل شو.

یکشنبه ۱۴۰۰/۴/۲۷ - ۸:۲۱
Background image

د شانګهای د غړو هیوادونو صنعتي ، فرهنګي  او دملي خوړو جشنواره

د شانګهای سازمان دغړو هېوادونو د صنعتي ، فرهنګي او ملي خوړو جشنواره د تاجکستان د بهرنیو چارو وزارت او د تاجک ګرځندوی پراختیا یي کمیټې لخوا د تاجکستان ، هند ، ازبکستان

BACK TO NEWS