د صنعت او سوداګرۍ او اطلاعاو او کلتور وزارتونو ترمنځ د واحد چتر لانې د جوازونو د صادرولو هوکړه لیک لاسلیک شو.
پنجشنبه ۱۳۹۹ کال د لړم ۲۲مه
د واحد چتر لاندې د جواز د صادرولو هوکړه لیک د صنعت او سوداګرۍ او اطلاعا او فرهنګ وزارتونو ترمنځ د صنعت او سوداګرۍ سرپرست وزیرښاغلي نثاراحمد غوریاني او د اطلاعاتو او کلتور وزارت د سرپرست وزیر ښاغلي محمد طاهر زهیرترمنځ د واحد چترلاندې دجوازونو د صادرولو او دهغه د صادرولو د پړاونو د چټکتیا په موخه لاسلیک شو .
ددې هوکړه لیک پربنسټ هغه جوازونه چې د اطلاعاتو اوکلتور وزارت په خپله کاري برخه کې صادرول له دې ورسته د صنعت او سوداګرۍ وزارت د ثبت مرکزي او فکري مالیکیتونو د عمومي ریاست له لوري د هغوي د یو استازي په شتون کې ویشل کیږي.
دوه ورځي وړاندې د صنعت او سوداګرۍ وزارت د واحد چتر لاندې د جوازونو د صادرولو د اطلاتو د مدیریت سیسټم د صنعت او سوداګرۍ وزارت د سرپرست ښاغلي نثاراحمد غوریاني لخوا دخصوصي او دولتي استازو په ګډون پرانیست.
د واحد چتر لاندې د جوازونو د صادرولو د اطلاعاتو مدیریت سیسټم د دري مرحلو، ساده کولو،سیستم جوړولو او یو کولو، لرونکې دی چې تر اوسه۲۰ د کسب او کار توزیع کونکې وزارتونه او مستقلې ادارې دې سیسټم سره نښلول شوي دي دا سیسټم د افغانستان اسلامي جمهوریت د ۱۳۹۶-۶-۱۰ نیټې د (۲۹۴۳) ګڼه حکم پراساس رامنځته شوی دی.
