د ولسي جرګي یوشمیرغړواو ملي شخصیتونو سره لیدنه!
دتلې ۹ مه ۱۳۹۹
د افغانستان د ولسې جرګې ځینو غړو، سوداګرو او ملي شخصیتونو د صنعت او سوداګرۍ سرپرست او نوماند وزیر ښاغلي نثاراحمد غوریاني سره ولیدل.
په دي لیدنو کې ښاغلي غوریاني په نړۍ او سیمه کې د افغانستان د سوداګرۍ موقیعت،د داخلي صنایعو پراختیااو فرصتونو په هکله خبرې وکړي. هغه دخصوصي سکتور پراختیا په ځانګړي ډول د کورنیو صنایعو او دهیواد صادرات دحکومت او خصوصي سکتور دوه اړخیزو همکاریو محصول وباله، د ولسي جرګې په وکیلانو، دهیواد سوداګرواو پانګوالو يې غږ وکړ ترڅو په خپلو نیکو نظریاتو سره د صنعت او سوداګرۍ وزارت سره لا رغنده همکاري وکړي .
ګډونوالو دخبرو پرمهال دصنعت او سوداګرۍ سرپرست او نوماند وزیرپه توګه دښاغلي غوریاني ټاکنه یو نیک ګام وباله او له نوموړي څخه يې خپل ملاتړ اعلان کړ.
