فابریکو ته په ورپېښو ستونزو خبرې وشوې

reza_admin
سه‌شنبه ۱۴۰۱/۲/۲۷ - ۱۴:۱۶
فابریکو ته په ورپېښو ستونزو خبرې وشوې

سه‌شنبه:د غويې 27مه ۱۴۰۱

د صنعتي پارکونو د عمومي رئيس عبدالعظیم قریشي په مشرۍ د صنعتونو او فابریکو په ستونزو د خبرو لپاره ناسته ترسره شوه. په ناسته کې په زیات شمېر سوداګرو او د فابریکو مسؤلینو ګډون درلود.

د صنعتي پارکونو عمومي رئيس په هیواد کې د صنعتونو د ودې لپاره هیله مندي څرګنده کړه او زیاته يې کړه چې د سوداګرو یو ځای کول د وزارت له هدفونو څخه دی او په ګډه باید دا هدف تعقیب شي. نوموړي همدا راز وویل چې هیڅ موازي ادارې ته به اجازه ورنکړی شي چې د صنعتي پارکونو په چارو کې لاسوهنه وکړي. د ښاغلي قریشي په وینا یوازې یوه اداره کولی شي چې سوداګرو ته لازمې اسانتیاوې رامنځته کړي او د وزارت د رهبرۍ په باور د ادارو ډېروالی د هیواد د سوداګري په ګټه نه ده.

د ناستې په اوږدو کې د ګډونوالو په استازیتوب ښاغلي فیضان هم خبرې وکړې او ګډونوالو ته يې د سوداګرو او  فابریکو د خاوندانو د ګډ کار او د معدنونو او سوداګري د خونې د تاریخچې په اړه مالومات وړاندې کړل. نوموړي د وزارت له مسؤلینو څخه د سوداګرو د اندېښنو د رفع کولو او ستونزو د حل غوښتنه وکړه. په وینا يې که فابریکو ته ورپېښې ستونزې او ګواښونه له منځه یووړل شي نو  فابریکې به خورا پیاوړې شي.

د ګډونوالو له جملې الحاج جبار ساپي او یو شمېر نورو سوداګرو هم خبرې وکړې او د معدنونو او سوداګري د خونې د ټاکنو غوښتنه يې وکړه.

د ناستې په پای کې د صنعتي پارکونو عمومي رئيس ښاغلي عبدالعظیم قریشي د ادارو په یووالي د ټينګار تر څنګ وویل چې د صنعت او سوداګرۍ وزارت د معدنونو او صنعتونو د خونې له هغو فعالیتونو ملاتړ کوي چې په هیواد کې د سوداګریز پرمختګ لامل ګرځي. نوموړي د صنعتونو او معدنونو خونې ټاکنو ته هم اشاره وکړه او زیاته يې کړه چې که سوداګر د ټاکنو د ژر ترسره کېدو غوښتونکي وي نو د خونې مسؤلین د شته قانون په اساس ټاکنو ته لاره هواره کړي. وزارت د خصوصي سکتور د ملاتړي په حیث د قانون په رڼا کې د یاد کار ملاتړ کوي.

تازه خبرونه

پنجشنبه ۱۴۰۱/۴/۲ - ۲۲:۴۹
Background image

د صنایع او معادن خونې او د شادیانو صنعتي پارک له فابریکو څخه لیدنه

 د صنعت او سوداګرۍ وزارت معین محترم مولوی قدرت‌الله جمال د خپل سفر په ترڅ کې د بلخ ولایت د صنایع او معادن اتاق او د شادیانو صنعتي پارک له فابریکو څخه لیدنه وکړه.

پنجشنبه ۱۴۰۱/۴/۲ - ۲۲:۳۷
Background image

د خلکو، صنعت کارانو او سوداګرو اړیکې د ا.ا.ا سره  قلبآ غښتلې او نژدې شوي دي

محترم مولوی قدرت‌الله جمال معین وزارت صنعت و تجارت در سفرشان به ولایت بلخ با الحاج محمدانور رحیمی رئیس اتحادیه‌ی مؤلدین و صادرکنندگان قالین در زون شمال کشور در دفتر کار اوشان ملاقات کرد. . .

پنجشنبه ۱۴۰۱/۴/۲ - ۲۲:۲۵
Background image

د بلخ ولایت د صنعت او سوداګرۍ ریاست له کارکونکو سره ناسته

د صنعت او سوداګرۍ وزارت معین محتر م مولوي  قدرت‌الله جمال  بلخ ولایت ته د خپل سفر په لړ کې تیره ورځ یې د بلخ ولایت د صنعت او سوداګرۍ ریاست له کارکونکو سره وکتل.

BACK TO NEWS