دصنعت او سوداګرۍ وزیر، ښاغلي نثاراحمد غوریاني ته دملت داستازولخوا داعتماد رایه
دصنعت او سوداګرۍ وزیر ښاغلی نثاراحمد غوریاني دولسي جرګې لخوا د۲۱۳ موافقو رایو په اخیستلو سره یاد وزارت ته بریالی شو.
ښاغلی غوریاني دهېواد په کچه له لویو سوداګرو او صنعت کارانو څخه دی او په شپاړسمه دوره کې دهرات دخلکو استازی وو.
دیادونې وړ ده چې ښاغلی غوریاني دافغانستان داسلامي جمهوریت دولسمشر او دسولې دعالي شورا دریس ښاغلي ډاکټر عبدالله لخوا دصنعت او سوداګرۍ وزارت لپاره دسرپرست او نوماند وزیر په توګه وټاکل شو.
ښاغلی غوریاني دروان کال دوږي میاشتې په ۲۵مه د جمهوري ریاست دلومړي مرستیال ښاغلي امرالله صالح لخوا دیاد وزارت کارکوونکو ته ور وپیژندل شو.
دیادونې وړ ده چې ښاغلي غوریاني دصنعت او سوداګرۍ وزارت لپاره له نوماند کېدو وروسته خپلې کاري برنامې په دریو برخو،دسوداګرۍ اوصادراتوپراختیا،دصنعت وده او دپانګونې دجذب په برخه کې ترتیب کړې
ښاغلی غوریاني د ملت داستازو داعتماد رایو په اخیستلو سره ژمن دی چې خپلې برنامې دملت داستازواو دولتي نهادونو په مرسته عملي کړي.
