ملاقات سرپرست وزارت صنعت و تجارت ا.ا.ا با مشاور رئیس جمهور فدراتیف روسیه
شنبه ۲۹ رجب المرجب ۱۴۴۵/ ۲۱ دلو ۱۴۰۲
محترم الحاج نورالدین عزیزی، سرپرست وزارت صنعت و تجارت ا.ا. افغانستان با آقای روسلان ایدلگیریف، مشاور رئیس جمهور فدراتیف روسیه ملاقات نمود.
در این ملاقات که آقای دیمیتری ژیرنوف، سفیر فدراتیف روسیه در افغانستان نیز حضور داشت، دوطرف در رابطه به روابط تجارتی دوجانبه، راه‌های ترانزیتی میان دوکشور، تعرفه‌های ترجیحی، بانک‌داری اسلامی، از سرگیری کمیسیون مشترک اقتصادی، سرمایه‌گذاری روسیه در افغانستان، سهولت در صدور ویزه‌های تجارتی، راه‌اندازی مرکز دایمی تجارتی افغانستان در مسکو و دعوت افغانستان در پانزدهمین فوروم بین‌المللی اقتصادی روسیه و جهان اسلام بحث و گفتگو نمودند.
