برگزاری جشنوارهی صنعتی، فرهنگی و غذاهای ملی کشورهای عضو سازمان همکاری شانگهای
شنبه 26 سرطان 1400
جشنوارهی صنعتی، فرهنگی و غذاهای ملی کشورهای عضو سازمان همکاری شانگهای به ابتکار وزارت امورخارجهی تاجیکستان و کمیتهی رشدسیاحت این کشور با نمایش صنایعدستی و غذاهای محلی کشورهای افغانستان، تاجیکستان، هندوستان، اوزبیکستان، پاکستان و فلسطین در شهر دوشنبه جمهوری تاجیکستان برگزار شد.
در این جشنواره، صنایعدستی زنان و هنرنقاشی افغانستان با همکاری دفتر اتشه تجارتی وزارت صنعت و تجارت و مقام سفارت جمهوری اسلامی افغانستان در آن کشور به نمایش گذاشته شده است. خوشبختانه صنایعدستی زنان و هنرنقاشی افغانستان در این جشنواره با استقبال بازدیدکنندگان قرار گرفته و بیشترین فروش را داشته است.
درین جشنوارهی، سفیر افغانستان مقیم دوشنبه، سفیران و دیپلوماتهای کشورهای ناظر و اعضای سازمان شانگهای، فرهنگیان، رسانههای محلی و بینالمللی اشتراک نموده و جمع از مردم این کشورها از آنچه فرهنگ، عنعنات، صنایعدستی و غذاهای لذیذ محلی کشورها بشمول افغانستان بود، نیز استفاده نمودند.
