نشست دوجانبه میان هیئت‌های امارت اسلامی افغانستان و جمهوری اوزبیکستان برگزار شد

پنجشنبه ۱۱ صفرالمظفر ۱۴۴۶ / ۲۵ اسد ۱۴۰۳

نشست دوجانبه میان هیئت امارت اسلامی افغانستان به رهبری محترم الحاج نورالدین عزیزی، سرپرست وزارت صنعت و تجارت و هیئت جمهوری اوزبیکستان تحت ریاست محترم لزیز قدرتوف، وزیر سرمایه‌گذاری، صنعت و تجارت برگزار گردید.

در این نشست پیرامون تعرفه ترجیحی روی اقلام‌ صادراتی مشخص دوکشور، سرمایه‌گذاری در مرکز تجارت بین‌المللی ترمز اوزبیکستان، ایجاد خانه‌های تجاری دوکشور در خاک یکدیگر، موافقت‌نامه‌های ترانزیتی سه‌جانبه میان افغانستان - اوزبیکستان - قزاقستان، افغانستان - اوزبیکستان - پاکستان و افغانستان - اوزبیکستان - ایران و ایجاد کمیسیون اقتصادی و کمیته‌های فرعی تخنیکی بحث و تبادل نظر گردید.

این جلسات تخنیکی و مذاکراتی ادامه خواهد داشت.