ملاقات سرپرست وزارت صنعت و تجارت ا.ا.ا با معین نخست وزارت اقتصاد آذربایجان
پنجشنبه ۲۶ جمادی الاول ۱۴۴۶ / ۸ قوس ۱۴۰۳
محترم الحاج نورالدین عزیزی، سرپرست وزارت صنعت و تجارت امارت اسلامی افغانستان در حاشیه نمایشگاه بین‌المللی حلال استانبول 2024 جمهوری ترکیه، با محترم مامدوف، معین نخست وزارت اقتصاد جمهوری آذربایجان ملاقات نمود.
در این ملاقات محترم الحاج عزیزی، در رابطه به استفاده پایه‌دار از مسیر راه لاجورد با معین نخست کشور آذربایجان بحث نمود.
همچنین محترم مامدوف، معین نخست وزارت اقتصاد جمهوری آذربایجان جهت توسعه روابط تجارتی میان دوکشور از هیئت دولتی و سکتورخصوصی افغانستان برای اشتراک در نمایشگاه محصولات و تولیدات آن کشور که در آینده نزدیک برگزار می‌گردد، دعوت نمود.
