نشست سه‌جانبه ا.ا. افغانستان - جمهوری اوزبیکستان - جمهوری آذربایجان برگزار گردید
پنجشنبه ۱۱ صفرالمظفر ۱۴۴۶ / ۲۵ اسد ۱۴۰۳
نشست سه‌جانبه به میزبانی محترم الحاج نورالدین عزیزی، سرپرست وزارت صنعت و تجارت ا.ا.ا، با اشتراک محترم لزیز قدرتوف وزیر صنعت، تجارت و سرمایه‌گذاری جمهوری اوزبیکستان و محترم مامدوف صاحب معین وزارت اقتصاد جمهوری آذربایجان پیرامون تجارت، سرمایه‌گذاری، ترانسپورت، موادساختمانی و جیولوجیکی برگزار گردید.
در این نشست در رابطه به توسعه تجارت، سرمایه‌گذاری و همکاری‌های ترانسپورتی و لوژستیک، موادساختمانی، انجام امور اکتشافی جیولوجیکی در ذخایر هایدروکاربن و موادمعدنی، میکانیزم تطبیق پروژه تولید سمنت در شمال افغانستان، همکاری‌های منطقوی، استفاده موثر از راه ابریشم جدید، خط‌آهن و حضور دوباره و فعال افغانستان در سازمان اقتصادی ایکو بحث و گفتگو صورت گرفت.
هم‌چنین با شرح فعالیت‌های صورت گرفته در عرصه معادن افغانستان در رابطه به ظرفیت و فرصت‌های موجود سرمایه‌گذاری دربن سکتور و اولویت‌های افغانستان به هیئات معلومات ارایه گردید.
در اخیر در رابطه به نشست‌های دوام‌دار و مکان و زمان نشست بعدی و تیم کاری دایمی ۳کشور توافقات صورت گرفت.
