د یو بار مصرف کاغذي توکو صنعتکارانو سره لیدنه
دوشنبه ۲۰ شوال المکرم ۱۴۴۵ / ۱۰ غویی ۱۴۰۳
د صنعت او سوداګرۍ وزارت مرستیال وزیر ښاغلي مولوي قدرت الله جمال د یو بار مصرف کاغذي توکو د مسؤلینو سره په خپل کاري دفتر کې لیدنه وکړه.
د یو بار مصرف کاغذي توکو مسؤلینو په افغانستان کې د کاغذ دغوره کیفیت لرونکو توکو پرتولید ټینګار وکړ او د بې کیفیته او غیر معیاري توکو د مخنیوي او په ګمرکاتو کې د توکو راوړلو په برخه کې د تخفیف غوښتنه وکړه.
ښاغلي مولوي جمال وویل چې د کاغذ کیفیت د پخوا په نسبت اوس ښه شوی ده او امارتي ادارې له خپل داخلي توکو څخه کار اخلي، په هېواد کې د داخلي صنعت په برخه کې د انحصار طرفدار نه یو، باید ټول هېوادوال په کې ونډه ولري.
نوموړي زیاته کړه چې د هېواد په داخل کې ټولې کار خونې به په یو ډیټا بیس کې ثبت او کنترول شي. چې له مخې به یې صنعتکاران له ډیرو اسانتیاوو څخه برخمن شي.
د صنعت او سوداګرۍ وزارت مرستیال وزیر ښاغلي قدرت الله جمال د یو بار مصرف کاغذي توکو له مسؤلینو له پانګونې څخه مننه وکړه او د هر راز همکارۍ ډاډ یې ورکړ.
