د تعمیراتي رنګونو ، د چاپي مطبوعو،د پاپوش سکتور،د هرې دنیا د غزایي توکو د شرکتونو له مسؤلینو سره لیدنه
سه شنبه ۵ ذوالقعدةالحرام۱۴۴۵ / ۲۵ غویی ۱۴۰۳
د صنعت او سوداګرۍ وزارت مرستیال مولوي قدرت الله جمال دصنعت اونۍ او نړیوال نندارتون په دوهمه ورځ دتعمیراتي رنګونو له تولیداتو څخه لیدنه وکړه.
په دې لیدنه کې د یاد شرکت مسؤلینو ښاغلي جمال ته د خپلو تولیداتو د کیفیت، کمیت او قیمت په اړه ډاډ ورکړ او زیاته یې کړه چې زموږ تولیدات د نورو هیوادونو له تولیداتو څخه خورا په لوړ کیفیت ترکیب شوي دي.
همدا راز دشرکت مسؤل وویل چې د تعمیراتي رنګونو په تولیداتو کې په ځان بسیاینې ته رسیدلي یو همدا راز ښاغلي جمال د پاپوش شرکت څخه هم لیدنه وکړه.
د یاد شرکت مسؤلینو د خپلو تولیداتو د کیفیت ، کمیت او قیمت اړوند جمال صاحب ته ډاډ ورکړ او له دوی څخه یې د بازار موندنې غوښتنه وکړه.
د چاپي مطبوعو او د کاغز سکتور له تولیداتو څخه یې هم کتنه ترسره کړه، د یادو شرکتونو مسؤلینو له ښاغلي جمال صاحب څخه وغوښتل چې زموږ له تولید کړل شوي کاغز او له چاپي مطبعو څخه دې د لوړو زدکړو او معارف وزارتونه استفاده وکړي.
په پای کې یې د هري د نیا غزایي تولیدي توکو له شرکت څخه لیدنه تر سره کړه یاد شرکت د بسکټو ، کیک ، چاکلیت ، پاپړ او ويفر د تولیداتو په برخه کې خپل فعالیت کوي.
ښاغلي جمال د یاد شرکت رئیس ته ډاډ ورکړ او د هر راز همکارۍ ژمنه یې ورسره وکړه
ښاغلي جمال د یادو شرکتونو د تولیداتو ستاینه وکړه او د هر راز همکاریو او بازار موندنې ډاډ یې ورکړ.
