په کندهار ولایت کې د افغان تولید نندارتون جوړیدل
ټاکل شوې ده چې د افغان تولید نندارتون د ۱۴۰۳ لمریز کال د مرغومي( جدې) له ۱۳مې تر ۱۵ مې نېټې پورې د کندهار په ورزشي جمنازیوم کې د سیکارام احمدي بازار موندنې شرکت له خوا د صنعت او سوداګرۍ وزارت او نورو اړونده ادارو او خصوصي سکتور په همکارۍ جوړ شي.
ددې نندارتون له جوړولو څخه موخه داخلي تولیداتو او محصولاتو ته بازار موندنه، د پانګې اچونې جلب او جذب، له داخلي تولیداتو څخه د استفادې لپاره د خلکو هڅونه او تشویق، د سیمه ییزو تولیدونکو او صنعت کارانو لپاره د سوداګریز ګډون آسانول، د کار د پلټونکو او زده کونکو لپاره د حرفه یي او تحصیلي فرصتونو د برابرول، د کسب او کار له نظریو څخه د ملاتړ، د نوښت او کار آفرینۍ وده او روزنه او د سوداګریزې راکړې ورکړې د جلسو جوړونه ده.
د محصولاتو او تولیداتو پدې نندارتون کې به بېلابېل سکتورونه لکه صنعتي، کرهنیز، ساختماني، معدني لاسي صنایع او غالۍ، طبي سامان آلات، دارو درمل، خوراکي توکي، جامې( لباس) د دیني او عصري علومو کتابونه، بانکونه، د نقاشۍ هنر، رسامي او خطاطي او نور کورني تولیدات او محصولات نندارې ته وړاندې کېږي.
د لا زیاتو معلوماتو لپاره دې په دغه شمېرو (۰۷۴۸۴۰۴۶۷۹/۰۷۸۰۹۹۵۸۹۱) اړیکه ټینګه شي یا دې د لاندې اېمیل ادرس له لارې ارتباط ونیول شي .(Sikaramahmadi@gmail.com)
