د افغانستان او پاکستان د صنعت او سوداګرۍ وزارتونو ترمنځ لیدنه او رغنده بحثونه

سه‌شنبه، 26 محرم الحرام 1447 / 31 سرطان 1404

د افغانستان اسلامي امارت د صنعت او سوداګرۍ وزارت د صنعت او سوداګرۍ چارو معین او ور سره مل پلاوي نن سه شنبه د پاکستان د صنعت او سوداګرۍ وزارت له یوه لوړپوړي پلاوي سره په اسلام‌اباد کې و کتل.

په دې ناسته کې د دواړو هېوادونو ترمنځ د سوداګرۍ د پراخوالي، ترانزیټي اسانتیاوو، او متقابلو همکاریو پر پراخېدو هر اړخیز بحث وشو. دواړو لوریو د موجوده خنډونو د له‌منځه وړلو لپاره مؤثرې حل‌لارې وټاکل و شوې.

همدارنګه، د صادراتو د زیاتوالي په موخه، په ځینو افغاني صادراتي توکو د تعرفو د راکمولو په اړه بحث و شو، تمه ده چې په دې اړه به د دواړو هیوادونو تر منځ هوکړه و شي او په نږدې راتلونکې کې به عملي شي. دغه پرېکړه به د صادراتو د اسانۍ ترڅنګ، د افغان سوداګرو او تولیدوونکو لپاره یو مثبت بدلون راولي.