دل‌چسپی سرمایه‌گذاران چینی در افغانستان

دوشنبه مورخ 23حوت 1400

محترم مولوی قدرت‌الله جمال معین امور صنعت و تجارت با سرمایه‌گذاران چینی در دفتر کارشان دیدار کرد.

در آغاز این دیدار معین وزارت صنعت و تجارت ا.ا. افغانستان به سرمایه‌گذاران چینی خوش‌آمدید گفته، بیان داشتند که از سرمایه‌گذاری‌ها در کشور مان استقبال می‌کنیم.

سرمایه‌گذاران چینی در مورد سرمایه‌گذاری‌ها و کمپنی‌های شان در کشورهای مختلف معلومات ارایه کرده و در رابطه به امنیت، زیربناها، زون‌های اقتصادی، سهولت‌ها برای سرمایه‌گذران خارجی در افغانستان و موادخام خواستار معلومات شدند.

در ادامه به موضوعات متذکره به آنها معلومات ارایه گردیده و از آنها در رابطه به سیستم کاری، عرصه‌ی فعالیت و سهولت‌های که برای شان در دیگر کشورها وجود دارد، پرسش‌های صورت گرفت و همچنان برای آنها پالیسی ا.ا.ا پیرامون صادرات موادخام تشریح گردید.

در مقابل سرمایه‌گذاران چینی با دل‌چسپی به سرمایه‌گذاری در افغانستان، معلومات بیشتر از فعالیت‌های شان را شریک نموده؛ افغانستان را مکان خوب سرمایه‌گذارای عنوان کردند.

در اخیر محترم مولوی قدرت‌الله جمال معین امور صنعت و تجارت از سرمایه‌گذاران چینی خواستند که طرح مشخص‌شان را در رابطه به زون اقتصادی خاص با وزارت صنعت و تجارت ا.ا. افغانستان شریک نمایند.