پیرامون اجندای نشست‌های دوجانبه و سه‌جانبه با کشورهای ترکمنستان و قزاقستان بحث گردید

سه شنبه ۱۴ شوال المکرم ۱۴۴۵ / ۴ ثور ۱۴۰۳

جلسه هماهنگی بین‌الوزارتی تحت ریاست محترم الحاج نورالدین عزیزی، سرپرست وزارت صنعت و تجارت با اشتراک نمایندگان محترم وزارت‌های امورخارجه، معادن و پطرولیم، زراعت، آبیاری و مالدری و مخابرات و تکنالوژی معلوماتی، دافغانستان بانک و اداره محترم خط آهن افغانستان برگزار و پیرامون اجندای نشست‌های دوجانبه و سه‌جانبه با کشورهای جمهوری‌های ترکمنستان و قزاقستان بحث صورت گرفت.

در این جلسه محترم الحاج عزیزی با تأکید به آماده‌سازی لست فرصت‌های سرمایه‌گذاری در افغانستان، افزیش دادوستند تجاری میان کشورها، از نمایندگان ادارات خواست که موضوعات مورد بحث ادارات و اجندای ترتیب شده این وزارت را با مقامات شان برای غنامندی بیشتر شریک نموده با آمادگی کامل در نشست‌ها اشتراک نمایند.

در ادامه اشتراک‌کنندگان پیرامون اجندای ترتیب شده این وزارت بحث نموده، دیدگان و نظریات شان را شریک کردند.

سرپرست وزارت صنعت و تجارت نشست‌های دوجانبه و سه‌جانبه میان افغانستان، ترکمنستان و قزاقستان را در رابطه به گسترش روابط تجاری و فراهم‌سازی تسهیلات ترانزیتی مهم دانسته، گفت: باید از این نشست‌ها نتیجه خوبی حاصل گردد.